დედაქალაქის მერი დავით ნარმანია "ერთიანი ნაციონალური მოძრაობის" მიერ დაანონსებულ აქციას ეხმაურება და აცხადებს, რომ მათი მხრიდან ასეთი აქციის გამართვა ძალიან სასაცილოა.
თბილისის მერის განმარტებით, ენმ-ს მმართველობის დროს, ძალიან ბევრი ტერიტორია მართლა საჩუქარად გადაეცათ ვიღაცებს.
"ეს ვიღაცების არიან ცალკეული მაღალი რანგის ჩინოვნიკები, ასე რომ მათი მხრიდან ასეთი აქციის გამართვა ძალიან სასაცილოა. ეს იყო ერთ ლარად გადაცემა ერთი მილიონი ლარის ინვესტირების მიზნით და არა ვინმესთვის საჩუქრად გადაცემა, ეს არის ძალიან მნიშვნელოვანი და მნიშვნელოვანია ის, რომ აქ კეთდება საპარკინგე ადგილი,“ - განაცხადა დავით ნარმანიამ.
