დონალდ ტრამპი დღეს ირანის მიმართ შეერთებული შტატების ახალ სტრატეგიას გამოაქვეყნებს. აღიარებს თუ არა თეთრი სახლის ლიდერი თეირანის მიერ ბირთვული შეთანხმების ვალდებულებების შესრულებას, ამ დრომდე გაურკვეველია. ცნობილია, რომ ტრამპს ირანთან მიღწეული შეთანხმებიდან გასვლა სურს, თუმცა სახელმსიფო მდივანმა რექს ტილერსონმა და თავდაცვის მინისტრმა ჯეიმს მეტისმა არაერთგზის განაცხადეს, რომ ირანი შეთანხმების პირობებს ასრულებს. მათივე თქმით, ბირთვული შეთანხმება შეერთებული შტატების სტრატეგიულ ინტერესებში შედის.
