შემოსავლების სამსახური ქვეყნის მასშტაბით ყველა ტოტალიზატორის შემოწმებას ახორციელებს, ამის შესახებ სააგენტო "ჯი-ეიჩ-ენთან" საუბრისას შემოსავლების სამსახურის უფროსმა გიორგი ცხაკაიამ განაცხადა.
"რიკის პროფილის შემოწმების მიხედვით, გამოჩნდა, რომ ტოტალიზატორებთან დაკავშირებით რისკი იყო მაღალი და სწორედ ამიტომ მათი შემოწების გადაწყვეტილება მივიღეთ", _ განაცხადა ცხაკაიამ.
ტოტალიზატორების შემოწმება რამდენიმე დღის წინ დაიწყო და მათი ფინანსური აუდიტი კანონით განსაზღვრულ ვადებში დასრულდება.
შემოსავლების სამსახურმა სპეციალური კომპიუტერული პროგრამით, რომელიც გადასახადების დამალვის რისკებს განსაზღვრავს, 50 კომპანია შეამოწდა, საიდანაც 37 ტოტალიზატორი იყო.
გავრცელებული ინფორმაციით, ტოტალიზატორების შემოწმება დამალული გადასახადების აღმოჩენას უკავშირდება, რასაც ადგილი 2010 წლის მსოფლიო ჩემპიონატის დროს ჰქონდა.