სირიაში რუსულმა ბომბდამშენმა Су-24 ავიაკატასტროფა განიცადა, რის შედეგადაც ეკიპაჟის წევრები დაიღუპნენ.
„10 ოქტომბერს სირიაში მდებარე „ჰმეიმიმის“ ავიაბაზიდან აფრენისას Су-24-ის ბომბდამშენი ასაფრენი ბილიკიდან გადავიდა. თვითმფრინავის ეკიპაჟმა კატაპულტირება ვერ მოასწრო და ეკიპაჟის ყველა წევრი დაიღუპა“, - ნათქვამია რუსეთის თავდაცვის უწყების განცხადებაში.
აქვე აღნიშნულია, რომ ავიაკატასტროფის მიზეზი შესაძლოა ტექნიკური გაუმართაობა იყო.
