რუსეთის ავიაცია სირიის ქალაქ მეიადინში ისლამისტთა პოზიციებს ინტენსიურად ბომბავს. ამის შესახებ რუსეთის თავდაცვის სამინისტროს წარმომადგენელმა იგორ კონაშენკოვმა განაცხადა. მისივე თქმით, დეირ-ეზ-ზორიდან 40 კილომეტრში მდებარე ქალაქში ისლამისტები კარგად არიან გამაგრებულნი და სირიის სახელისუფლო ძალებს სერიოზულ წინააღმდეგობას უწევენ. ბოლო 24 საათის განმავლობაში მათ პოზიციებზე 150-მდე ავიადარტყმა განხორციელდა.
