"ჩვენ დღეს განვიხილავთ მიმდინარე მოვლენებს, პოლიტიკურ და ეკონომიკურ ურთიერთობებსა და ჩვენი ქვეყნების ტერიტორიული მთლიანობის საკითხებს", - ამის შესახებ სუამ-ის გენერალურმა მდივანმა ალთაი ეფენდიევმა ჟურნალისტებს განუცხადა.
მისივე განცხადებით, შეხვედრის მთავარი საკითხი სამომავლო თანამშრომლობა იქნება.
„დღეს გვექნება პირველი არაფორმალური შეხვედრა, რომელზეც შევაჯამებთ ჩვენს 20-წლიან მუშაობას, განვიხილავთ ამ პერიოდში განვლილ მოვლენებს და სამომავლო სტრატეგიაზე ვიმსჯელებთ.
მთავარი მნიშვნელოვანი საკითხი დღევანდელი შეხვედრისას იქნება, თუ როგორ უნდა გავაგრძელოთ სამომავლო თანამშრომლობა. ჩვენ დღეს განვიხილავთ მიმდინარე მოვლენებს, პოლიტიკურ და ეკონომიკურ ურთიერთობებსა და ჩვენი ქვეყნების ტერიტორიული მთლიანობის საკითხებს“, - განაცხადა ალთაი ეფენდიევმა.
ცნობისთვის, თბილისში დემოკრატიისა და ეკონომიკური განვითარების ორგანიზაციის დაფუძნების 20 წლისთავი აღინიშნება. დელეგაციის შემადგენლობაში არიან აზერბაიჯანისა და უკრაინის საგარეო საქმეთა მინისტრები და მოლდოვას საგარეო საქმეთა და ევროინტეგრაციის მინისტრები, - ხელმძღვანელი კი საქართველოს საგარეო საქმეთა მინისტრი, მიხეილ ჯანელიძეა.
