ცნობილმა ბრიტანელმა პრანკერმა საიმონ ბროდკინმა პრემიერ-მინისტრს გამოსვლა შეაწყვეტინა. ინციდენტი კონსერვატიული პარტიის სესიაზე მოხდა, სადაც ტერეზა მეი სიტყვით გამოდიოდა.
პრანკერი პრემიერთან მოულოდნელად მიიჭრა და ქაღალდი გაუწოდა, რომელიც ე.წ. ფი-45, სამსახურიდან გათავისუფლების ფორმა აღმოჩნდა.
„ამის გადმოცემა თქვენთვის საგარეო საქმეთა მინისტრმა ბორის ჯონსონმა მთხოვა,“-განუცხადა პრანკერმა პრემიერ-მინისტრს. პრანკერი დარბაზიდან დაცვის თანამშრომლებმა გაიყვანეს.
