თეთრი სახლის ლიდერი პირველ ლედისთან ერთად ლას-ვეგასში ჩავიდა. დონალდ და მელანია ტრამპებმა თავდასხმის შედეგად დაშავებულები მოინახულეს. პრეზიდენტმა სამედიცინო პერსონალს დაჭრილების დახმარებისთვის მადლობა გადაუხადა. თეთრი სახლის ლიდერმა თავდამსხმელზეც ისაუბრა და განაცხადა, რომ დანაშაულის მოტივი ჯერ-ჯერობით უცნობია. თავდასხმა ლას-ვეგასში ქანთრის მუსიკალურ ფესტივალზე განხორციელდა. 64 წლის სტივენ პედოკმა კონცერტზე შეკრებილებს ცეცხლი გაუხსნა, რასაც 59 ადამიანი ემსხვერპლა, 500-ზე მეტი კი დაშავდა.
