საქართველოს იუსტიციის მინისტრ თეა წულუკიანის განცხადებით, წინასაარჩევნო კამპანიის დროს განერვიულებული პოლიტიკოსების ხილვა არ არის უჩვეულო.
მისივე თქმით, მართალია მერობის ყველა კანდიდატის მიზანია, ხალხზე მოახდინოს შთაბეჭდილება, მაგრამ შთაბეჭდილების მოხდენისას ნუ დაავიწყდებათ, რომ ხალხს აქვს ძალიან კარგი ანალიზის უნარი.
"მე მერობის თითოეულ კანდიდატს ვუსურვებ, რომ შეეჯიბრონ ერთმანეთს და დაანახონ ხალხს ეკუთვნით თუ არა და იმსახურებენ, თუ არა ხმებს.
ჩვენ ყველას გვმართებს, მათ შორის მერობის კანდიდატებს ოპოზიციიდან, უფრო მეტი სერიოზულობა. მესმის, ყველა კანდიდატის მიზანია, ხალხზე მოახდინოს შთაბეჭდილება, მაგრამ შთაბეჭდილების მოხდენისას ნუ დაგვავიწყდება, რომ ხალხს აქვს ძალიან კარგი ანალიზის უნარი, ხალხს აქვს ძალიან კარგი მეხსიერება და განჭვრეტის უნარი იმასთან დაკავშირებით თუ ვინ ვინ არის და ვის რა მიზნები ამოძრავებს დედაქალაქის განვითარების სფეროში - იქნება ეს ამჟამინდელი მთავრობა, ყოფილი პრემიერ-მინისტრი თუ მომავალი მერი. თითოეულ კანდიდატს მათ შორის გუშინ ემოციურ პროცესებში დატვირთულ ვინც ვიხილეთ, ვუსურვებ რომ არ დაავიწყდეს ის ხალხი, ვისზეც შთაბეჭდილების მოხდენას ცდილობს, არის ანალიზის უნარის მქონე ხალხი, რომელსაც ჰქვია ქართველი ამომრჩეველი", - განაცხადა თეა წულუკიანმა.
