საქართველოს პრემიერმინისტრი გიორგი კვირიკაშვილი დედაქალაქის მერიასთან გუშინ, "ერთიანი ნაციონალური მოძრაობის მიერ"გამართულ აქციას გამოეხმაურა.
"არსებობს პოლიტიკური უსინდისობა, არსებობს ადამიანური უსინდისობა და არსებობს ყველაფერ ამის ზღვარი", - განაცხადა პრემიერმა.
მისივე შეფასებით, ეს ადამიანები წარსულის პოლიტიკოსები არიან.
"არ შემიძლია, არ გამოვეხმაურო იმ თემას, რასაც ვხედავდით გასული დღეების განმავლობაში. არ ვიცი, რა დავარქვა ამას. არსებობს პოლიტიკური უსინდისობა, არსებობს ადამიანური უსინდისობა და არსებობს ზღვარი ყველაფერ ამის. რასაც ჩვენ ვხედავთ, ეს არის ყველაფერი ამ ზღვარს იქით გადასული. ამ ადამიანებს პოლიტიკოსებსაც ვერ დავარქმევ, რადგან ისინი არიან აშკარად წარსულის პოლიტიკოსები, გაკოტრებული პარტიისა და გაკოტრებული ლიდერის მიმდევრები, რომლებიც ცდილობენ, ტყუილებით და უსინდისობით მიიპყრონ ყურადღება",-აღნიშნა გიორგი კვირიკაშვილმა.
