საქართველოს პროკურატურის თანამშრომლები 2010 წლის 12 ივლისს წყნეთის მზრუნველობამოკლებულ ბავშვთა სახლს ეწვივნენ. ძველი თბილისის პროკურორებმა ბავშვებს პეტრე-პავლობა მიულოცეს და ტკბილეულთან ერთად საჩუქრებიც ჩაუტანეს.
წყნეთის ბავშვთა სახლში დღესდღეობით 30 მზრუნველობამოკლებული მოზარდი ცხოვრობს. პროკურატურის ინიცაიტივით, მათთვის საგანგებო კონცერტიც გაიმართა, თეატრალურმა კვარტეტმა წყნეთის ბავშვთა სახლის დარბაზში ფოლკლორული და საესტრადო სიმღერები შეასრულა.
ღონისძიება პროექტ "საზოგადოებრივი პროკურატურის" ფარგლებში გაიმართა, რომელიც საქართველოში 2006 წლიდან ხორციელდება. პროექტის მიზანია პროკურატურის ანგარიშვალდებულებისა და გამჭირვალობის გაზრდა, დანაშაულის პრევენციის მიმართულებით პროკურატურის ორგანოების მუშაობის ეფექტურობის უზრუნველყოფა, პროკურატურის მიერ საზოგადოების მოთხოვნების და პრობლემების გათვალისწინება, სამართალდამცავი ორგანოების მიმართ საზოგადოების ნდობის ამაღლება.
