საქართველოს სახალხო დამცველ უჩა ნანუაშვილის განცხადებით, მსოფლიოში ქალთა პოლიტიკური მონაწილეობის კუთხით, საქართველო 144 ქვეყანას შორის 114-ე ადგილზეა.
ომბუდსმენის თქმით, კვოტირების მექანიზმის შემოღებასთან დაკავშირებით, რეკომენდაცია დღემდე არ არის გათვალისწინებული.
“საქართველო 144 ქვეყანას შორის 114-ე ადგილზეა მსოფლიოში ქალთა პოლიტიკური მონაწილეობის კუთხით და ეს ციფრიც მეტყველებს იმაზე, რომ ამ კუთხით სერიოზული პრობლემებია ქვეყანაში. კვოტირების მექანიზმის შემოღებასთან დაკავშირებით, ჩვენი რეკომენდაცია დღემდე არ არის გათვალისწინებული. შეიძლება ითქვას, რომ ქალთა მონაწილეობა გადაწყვეტილების მიღების პროცესში არის მინიმალური და სამწუხაროდ თვითმმართველობის არჩევნების პროცესმა კიდევ ერთხელ დაადასტურა, რომ ხელისუფლება და პოლიტიკური სუბიექტები არ არიან მზად გაითვალისწინონ ეს რეკომენდაციები", - განაცხადა ნანუაშვილმა.
