თურქეთი დღეიდან ერაყის ქურთისტანთან საჰაერო რეისებს წყვეტს. ამის შესახებ ქვეყნის პრემიერ-მინისტრმა ბინალი ილდირიმმა განაცხადა. მისივე თქმით, ერბილისა და სულეიმანიას მიმართულებით საჰაერო რეისები უკვე შეჩერებულია. გადაწყვეტილება ანკარამ ბაღდადის მოთხოვნით მიიღო. ქურთისტანის ავტონომიის საჰაერო სივრცეს ერაყის ხელისუფლება 25 სექტემბრის რეფერენდუმის გამო ბლოკავს, რომელზეც ქურთებმა ხმა რეგიონის დამოუკიდებლობას მისცეს.
