„ისლამურმა სახელმწიფომ“ დაჯგუფების ლიდერის, ალ ბაღდადის აუდიო მიმართვა გაავრცელა. მიმართვა 46 წუთიანია. ალ ბაღდადი ჩრდილოეთ კორეის ბირთვულ პროგრამასა და ფხენიანის მუქარაზე საუბრობს და სირიასა და ერაყში ისლამისტთა დაკარგულ ტერიტორიებზეც ამახვილებს ყურადღებას. ალ ბაღდადის შესახებ ინფორმაციაზე ამერიკის შეერთებულმა შტატებმა ჯილდოს სახით 25 მილიონი დოლარი დააწესა. მიმდინარე წლის ივნისში რუსეთის თავდაცვის სამინისტრო აცხადებდა, რომ ალ ბაღდადი 28 მაისს ქალაქ რაქაზე ავიაიერიშისას დაიღუპა, თუმცა ინფორმაცია არ დადასტურდა.
