ქართველების მორიგი დაკავება თურქეთში. სააგენტო „ჰურიეთის“ ცნობით, ქალაქ ჩანაქკალეში სამართალდამცველებმა საქართველოს სამი მოქალაქე დააკავეს. ეჭვმიტანილები წინასწარი დაკავების იზოლატორში იმყოფებიან. მათ ძარცვაში ადანაშაულებენ.
პოლიციის ინფორმაციით, საქართველოს მოქალაქეები ქუჩაში მყოფ ქალს დაესხნენ თავს და მას მობილური ტელეფონი წაართვეს. ძალოვნებმა ეჭვმიტანილების ვინაობა სათვალთვალო კამერების ჩანაწერებით დაადგინეს.
