დედაქალაქის მერის, დავით ნარმანიას განცხადებით, საქართველო-უელსის მატჩზე გულშემატკივართა უსაფრთხოების თვალსაზრისით პრობლემა არ შეიქმნება.
ნარმანიას თქმით, თბილისის უსაფრთხო ქალაქია და ჩამოსული სტუმრების მიმართ ქართველი ხალხი ძალიან მეგობრულია.
მისივე თქმით, უსაფრთხოების ზომებს ამკაცრებენ და ღონისძიება მოწოდების სიმაღლეზე ჩაივლის.
"რაიმე სახის არსებით საფრთხეს ვერ ვხედავ. ცალკეული საკითხები, რაც საელჩოს მხრიდან არის გამოყოფილი, ბუნებრივია, ყურადღება მისაქცევია. ბუნებრივია, ბიოტუალეტები იქნება, უსაფრთხოების ზომები ასეთ შემთხვევაში კიდევ უფრო მკაცრდება. ასე რომ, ყველაფერი იქნება გათვალისწინებული და მოწოდების სიმაღლეზე ჩატარდება ეს ღონისძიება", - აღნიშნა დავით ნარმანიამ ბრიტანეთის საელჩოს განცხადების კომენტირებისას განაცხადა.
ბრიტანეთის საელჩომ საქართველოში 6 ოქტომბერს საქართველო-უელსის მატჩზე დასწრების მსურველ საკუთარ მოქალაქეებს რეკომენდაციებით მიმართა.
"საელჩოს ცნობით, კრიმინალის დონე თბილისში დაბალია, თუმცა პერიოდულად ადგილი აქვს ძარცვას ხალხმრავალ ადგილებში, საღამოს საათებში. საელჩო მოუწოდებს მოქალაქეებს ქუჩაში გადაადგილებისას თან არ იქონიონ დიდი თანხა. ასევე, ვრცელდება გაფრთხილება ტაქსის მძღოლების მხრიდან სექსუალური ძალადობის შესახებ ინციდენტებთან დაკავშირებით. ისევე, როგორც ურჩევს გამოიჩინონ ყურადღება გზის გადაკვეთისას, რადგან შუქნიშანზე წითელი ფერი და ზებრა გადასასვლელი არ ნიშნავს, რომ მძღოლი მოძრაობას შეაჩერებს. ავარიები საკმაოდ ხშირად მოვლენაა, რაც ძირითადად მოძრაობის წესების დარღვევით არის განპირობებული. ქალაქში არ არის საზოგადოებრივი ტუალეტები - ვკითხულობთ საქართველოში დიდი ბრიტანეთის საელჩოს მიერ ბრიტანელი მოქალაქეებისთვის გავრცელებულ რეკომენდაციებში.