საქართველოს პარლამენტის თავმჯდომარე, საჭიროების შემთხვევაში, პრეზიდენტთან შეხვედრის მზადაა. აღნიშნული განცხადება ირაკლი კობახიძემ დღეს, ჟურნალისტებთან გააკეთა.
„თუ იქნება ამის სურვილი და ინტერესი და თუ ეს იქნება შედეგზე ორიენტირებული, ნებისმიერ დროს შეგვიძლია გავმართოთ ეს შეხვედრა“,- განაცხადა პარლამენტის თავმჯდომარემ.
მისივე თქმით, პრეზიდენტის მხარეს მდგომ ოც ოპოზიციურ პარტიას სუბიექტური ინტერესები აქვს.
“ბუნებრივია, დადებითად ვერ შევაფასებ იმ პროცესებს, რომელიც წარიმართა ცოტა ხნით ადრე კონსტიტუციის მიღებამდე. რამდენიმე დღეში პრეზიდენტმა ე.წ 20 პარტიასთან ერთად დაწერა ახალი კონსტიტუცია”, - აცხადებს კობახიძე.
ოპოზიცისური პარტიები პრეზიდენტთან შეხვედრას დღეს 16:00 საათზე გეგმავენ.
