პარლამენტის თავმჯდომარის, ირაკლი კობახიძის განცხადებით, პოზიტიურად ვერ შეფასდება ის პროცესები, რომლებიც ცოტა ხნის წინ კონსტიტუციის მიღებამდე წარიმართა.
მისივე თქმით, პრეზიდენტის მხარეს მდგომ ოც ოპოზიციურ პარტიას სუბიექტური ინტერესები აქვს.
“ბუნებრივია, დადებითად ვერ შევაფასებ იმ პროცესებს, რომელიც წარიმართა ცოტა ხნით ადრე კონსტიტუციის მიღებამდე. რამდენიმე დღეში პრეზიდენტმა ე.წ 20 პარტიასთან ერთად დაწერა ახალი კონსტიტუცია. ჩვენ გვედავებოდნენ იმას, რომ ნაჩქარევად მოვამზადეთ რაღაც დოკუმენტი, ამ დროს თვითონ სამ-ოთხ დღეში დაწერეს ახალი კონსტიტუცია პრეზიდენტმა და ე.წ ოცმა პარტიამ . ეს არის შერაცხული ე.წ თანხმობის დოკუმენტად, მაშინ როდესაც ჩვენს დოკუმენტს მხარს უჭერს 150-დან 117 დეპუტატი. 8-დან 5 საპარლამენტო პარტია. მეორე მხარეს დგას პრეზიდენტი თავის ოც პარტიასთან ერთად, ანუ ოპოზიციასთან, რომელსაც აქვს თავის სუბიექტური ინტერესები და მათ მიერ მომზადებულ დოკუმენტს უწოდებენ თანხმობის დოკუმენტს. ბუნებრივია, ამას ჩვენი მხრიდან პოზიტიური შეფასება ვერ ექნება", - განაცხადა კობახიძემ.
