ბუნდესტაგში მემარჯვენე პოპულისტური პარტიის, „ალტერნატივა გერმანიისთვის“ შესვლა სერიოზულ პრობლემას წარმოადგენს. ამის შესახებ გერმანიის კანცლერმა საპარლამენტო არჩევნების წინასწარი შედეგების გამოქვეყნების შემდეგ განაცხადა.
ანგელა მერკელმა არჩევნების შედეგებით კმაყოფილება გამოთქვა, თუმცა აღნიშნა, რომ თავისი ბლოკისთვის ბუნდესტაგში უფრო მეტი ადგილი სურდა.
წინასწარი შედეგებით, მერკელის ალიანსმა ამომრჩეველთა ხმების 33 პროცენტი მიიღო, სოციალ-დემოკრატებს 20,5 პროცენტი აქვთ, „ალტერნატივამ გერმანიისთვის“ კი 12,6 პროცენტი დააგროვა.
