დანიელი მხატვრის, ოლაფურ ელიასონის მორიგმა კრეატიულმა პროექტმა, მზის ელემენტებზე მომუშავე მანათობლებმა საზოგადოებაში დიდი პოპულარობა მოიპოვა. ხელოვანმა სხვადასხვა დიზაინის მქონე ფერადი პორტატული ფანრები შექმნა და სახელად „პატარა მზე“ დაარქვა. ელიასონის თქმით, მზის ელემენტებზე მომუშავე ფანრების შექმნის იდეა ერთ-ერთ ქვეყანაში მოგზაურობის შემდეგ გაუჩნდა. ხელოვანი აცხადებს, რომ პორტატული მოწყობილობა განსაკუთრებულ კომფორტს იმ ადამიანებს შეუქმნის, რომელთა ქვეყნებშიც ელექტრო მომარაგების პრობლემაა.
