მერკელის ბლოკის წევრები ახალი მოწვევის პარლამენტში 709-დან 249 მანდატს მიიღებენ. ამის შესახებ ინფორმაციას გერმანიის საარჩევნო კომისია ავრცელებს.
მათივე ცნობით, საერთო ჯამში, 24 სექტემბერს ამომრჩევლების აქტივობამ 76, 2 % შეადგინა, რაც 2013 წელთან შედარებით, 4,7 %-ით მეტია.
საარჩევნო კომისიის მიერ გამოქვეყნებული მონაცემებით, ბუნდესტაგში სოციალ-დემოკრატებს 153 დეპუტატი ეყოლებათ. ულტრამემარჯვენე „ალტერნატივა გერმანიისთვის“ 94 დეპუტატს შეიყვან პარლამენტში.
თავისუფალი დემოკრატები - 80, მწვანეები - 67, ხოლო მემარცხენე Die Linke 69 ადგილს მიიღებს.
როგორც ცნობილია, სოციალ-დემოკრატები ოპოზიციაში იქნებიან, შესაბამისად, მერკელის ბლოკს ახალი კოალიციის ფორმირება თავისუფალ დემოკრატებთან და მწვანეებთან ერთად მოუწევს.
