გაეროს გენერალური ასამბლეის 72-ე სესიაზე სიტყვით სერგეი ლავროვი გამოვიდა. რუსეთს საგარეო საქმეთა მინისტრმა შეერთებული შტატები ირანისა და კორეის მიმართ დაწესებული სანქციების გამო გაკრიტიკა. ლავროვმა აღნიშნა, რომ ჩრდილოეთ კორეასთან დაკავშირებული სამხედრო ისტერია დამღუპველია და შედეგს არ მოიტანს, კონფლიქტი კი მხოლოდ დიპლომატიური გზით უნდა მოგვარდეს. ლავროვი ახლო აღმოსავლეთში არსებულ მდგომარეობასაც შეეხო. მისი თქმით, ერაყსა და სირიაში ისლამური სახელმწიფოს პოზიციების შესუსტების მიუხედავად, ახლო აღმოსავლეთში ვითარების სტაბილიზაციისთვის დამატებითი ძალისხმევაა საჭირო და ეს პროცესი არა მხოლოდ ისლამურ სახელმწიფოსთან ბრძოლას, არამედ ალ-ნუსრას ფრონტთან დაპირისპირებასაც უნდა მოიცავდეს. ლავროვი უკრაინის კონფლიქტსაც გამოეხმაურა. მან განაცხადა, რომ რუსეთი ასრულებს მინსკის შეთანხმებას და იმედი გამოთქვა, რომ გაეროში მოსკოვის მიერ შეთავაზებულ რეზოლუციას მხარს დაუჭერენ როგორც ევროპელი მოკავშირეები, ისე შეერთებული შტატები.
