საქართველოს ტერიტორიული მთლიანობის მხარდამჭერი განცხადებების და რეზოლუციების ფონზე, რუსეთს მეზობლებთან თავისი პოლიტიკის შეცვლა მოუწევს. ამის შესახებ იაკობაშვილმა მთავრობის სხდომის დასრულების შემდეგ განაცხადა.
"ეუთოს დოკუმენტი არის უფრო პოლიტიკური დოკუმენტი და პირდაპირ სამართლებრივ რეაგირებას არ იქონიებს. წამოსული წყება განცხადებების და რეზოლუციების, რომლებიც გმობს ოკუპაციას და მხარს უჭერს საქართველოს ტერიტორიულ მთლიანობას, საერთო ჯამში ქმნის იმ ფონს, რომ რუსეთს უწევს ჩვენთან და მეზობლებთან მიმართებაში თავის პოლიტიკის შეტრიალება", - აღნიშნა იაკობაშვილმა.
შეგახსენებთ, რომ ეუთოს საპარლამენტო ასამბლეის მიგრაციის კომიტეტმა რეზოლუცია მიიღო, რომელიც საქართველოს ოკუპირებულ ტერიტორიებზე დევნილების უპირობო დაბრუნებას ეხება.
