ეს მათი პოლიტიკური ნიშაა, რომელსაც წინასაარჩევნო პერიოდში აძლიერებენ, - განაცხადა პარლამენტის ვიცე-სპიკერმა გია ვოლსკიმ "პატრიოტთა ალიანსის" მიერ მოსკოვში დაგეგმილ ვიზიტთან დაკავშირებით. მისი შეფასებით, ასეთი ჩართვები სახელმწიფო პოლიტიკისთვის დამაზიანებელია.
,,ეს არის ნაბიჯი, რომელიც ამ პოლიტიკური გუნდის არსს შეეფერება. როცა არსებულ, ურთულეს ვითარებაში სახელმწიფო საკმაოდ კონსტრუქციულ და მოქნილ პოლიტიკას აწარმოებს, რა საკვირველია, მარცხნიდან და მარჯვნიდან ასეთი ჩართვები არასახელმწიფოებრივია და სახელმწიფო პოლიტიკისთვის დამაზიანებელია. ეს მიდგომა პერსპექტივაშიც ცუდად გამოიყურება", - განაცხადა ვოლსკიმ.
,,პატრიოტთა ალიანსის“ წევრებმა, მოსკოვში მორიგი ვიზიტი ოქტომბრის დასაწყისისთვის გუშინ დაანონსეს.
