რეგიონალური ტელეკომპანია "თრიალეთის" კორესპონდენტი ლადო ბიჭაშვილი სამართალდამცავების მხრიდან მასზე განხორციელებულ ზეწოლაზე საუბრობს. ბიჭაშვილმა ამის შესახებ განცხადება პარლამენტში ჯონდი ბაღათურიას ინიციატივით გამართულ შეხვედრაზე გაკეთა.
შეხვედრა არასამთავრობო ორგანიზაციებთან გაიმართა და იმსჯელეს კონფლიქტის მიმდებარე ტერიტორიაზე არსებულ მდგომარეობაზე. როგორც ბიჭაშვილი აცხადებს, ამ რეგიონში მდგომარეობა მედიისთვისაც მძიმეა. როგორც იგი აცხადებს, გორში სტალინის ძეგლის დემონტაჟის დროს ოპერატორთან ერთად მოსახლეობის პროტესტის ამსახველ კადრებს იღებდა და სამართალდამცავებმა გადაღება აუკრძალეს. იგი აქცნეტს იმაზე აკეებს, რომ მისი მხრიდან გამოვლენილი პროტესტის შემდეგ სამართალდამცავებმა მას და ოპერატორს ფიზიკური შურაცხყოფა მიაყენეს, კამერა წაართვეს და მასალა წაუშალეს.
ბიჭაშვილი აცხადებს, რომ ფიზიკური შეურაცხყოფის გამო უკვე მიმართა სამართალდამცავ ორგანოებს, თუმცა მათი მხრიდან ჯერჯერობით არანაირი რეგირება არ ყოფილა. ბიჭაშვილის თქმით, მან სათანადო განცახდებით მიმართა სახალხო დამცველის აპარატსა და ახალგაზრდა იურისტთა ასოციაციას.
