ჩრდილოეთ კორეა აშშ-ს, სანქციების დაწესების შემთხვევაში, დიდ ტკივილსა და ტანჯვას ჰპირდება. ჩრდილოეთ კორეის საგარეო საქმეთა უწყების მიერ გავრცელებულ განცხადებაში საუბარია, რომ შეერთებული შტატების მხრიდან სანქციები და ზეწოლა, რომლის მიზანსაც ჩრდილოეთ კორეის სუვერენიტეტისა და უფლებების განადგურება წარმოადგენს, ,,უგუნურ ფაზაში შედის”.
,,ჩრდილოეთ კორეა მზად არის და აპირებს გამოიყენოს აბსოლუტური ზომა, რომელსაც თან დიდი ტკივილი და ტანჯვა მოჰყვება შეერთებული შტატებისთვის და მსოფლიო მოწმე გახდება, თუ როგორ დაამშვიდებს ამერიკელ დამნაშავეებს მკაცრი ზომების გატარებით ჩრდილოეთ კორეა”.
შეერთებული შტატები ფხენიანისთვის შემდგომ სანქციებთან დაკავშირებით დღეს გაეროს უშიშროების საბჭოს კენჭისყრაზე რეზოლუციის პროექტის გატანას გეგმავს.
დოკუმენტი სავაჭრო ურთიერთობებსა და ნავთობზე ემბარგოს დაწესებას ითვალისწინებს. ისევე როგორც ქვეყნის ლიდერისა და მისი ოჯახის წევრების აქტივების გაყინვას.
