კრაკოვეცის გამშვებ პუნქტთან 100-ზე მეტი სამხედრო ფორმაში ჩაცმული პირი დააკავეს.
უკრაინული მედიის ცნობით, დაკავებულები უკრაინა-პოლონეთის საზღვრისკენ მიემართებოდნენ.
მათ პოლიციის განყოფილებაში გაზის ბალონები, სასტარტო პისტოლეტი და მეტალის ნივთები აღმოუჩინეს.
შეგახსენებთ, რომ საქართველოს ყოფილი პრეზიდენტი, მიხეილ სააკაშვილი დღეს პოლონეთიდან უკრაინაში გეგმავდა ჩასვლას. ის და მისი მომხრეები უკრაინაში ჯერ ავტობუსით, შემდეგ კი მატარებლით აპირებდნენ გამგზავრებას, თუმცა მან უკრაინაში მატარებლით ჩასვლაც გადაიფიქრა.
გადაწყვეტილების არგუმენტად ის დაასახელა, რომ მას არ სურს პრობლემები შეუქმნას სხვა მგზავრებს, რომელთა შორის მცირეწლოვანი ბავშვებიც არიან.
