"ხალხის პარტია" კვირის ბოლოდან საქართველოს რეგიონებში გასვლას იწყებს. როგორც "ჯი-ეიჩ-ენს" "ხალხის პარტიის" ლიდერმა კობა დავითაშვილმა განუცხადა, 10-11 ივლისს სამეგრელოს ესტუმრებიან, სადაც ხელისუფლების მიერ მოსახლეობისთვის უკანონოდ მიწის ნაკვეთების ჩამორთმევას გაპროტესტებენ.
მისივე თქმით, პარტიის წარმომადგენლები სამეგრელოს შემდეგ სხვა რაიონებშიც გეგმავენ ჩასვლას.
"ზაფხულში პარტია დასვენებას არ აპირებს და საკმაოდ აქტიური პოლიტიკური ზაფხული გვექნება", - განაცხადა დავითაშვილმა.
