მიანმარის სამთავრობო ძალები ბანგლადეშის საზღვრის მონაკვეთს ნაღმავენ. ამის შესახებ სააგენტო როიტერი იტყობინება. გავრცელებული ინფორმაციით, მიანმარის ხელისუფლება ამ გზით ბანგლადეშში ლტოლვილთა ნაკადის გადინების შეჩერებას ცდილობს. შეტაკებები სახელისუფლო ძალებსა და მუსლიმ როჰინჯებს შორის 25 აგვისტოს დაიწყო, რასაც 400-ზე მეტი ადამიანი ემსხვერპლა. რაჯჰაინის რაიონი ბოლო 11 დღის განმავლობაში 123 ათასზე მეტმა მუსლიმმა დატოვა და თავი ბანგლადეშს შეაფარა. დევნილები მიანმარის ხელისუფლებას გენოციდის მოწყობაში ადანაშაულებენ.
