მიანმარში ვითარება კვლავ დაძაბულია. სააგენტო ფრანს პრესის ინფორმაციით, სახელისუფლო ძალებსა და მუსლიმ როჰინჯებს შორის დაპირისპირების დაწყებიდან დღემდე ბანგლადეშის საზღვარი 123 ათასამდე ლტოლვილმა გადაკვეთა. მხოლოდ ბოლო 24 საათის განმავლობაში ბანგლადეშმა 37 ათასამდე დევნილი მიიღო. როჰინჯები ბუდისტებს ეთნიკურ-რელიგიურ წმენდასა და გენოციდში ადანაშაულებენ.
