უკრაინის იუსტიციის მინისტრის მოადგილის განცხადებით, უკრაინამ საქართველოსგან მიხეილ სააკაშვილის ძებნის, დაკავებისა და ექსტრადირების მოთხოვნა მიიღო.
"უკრაინამ მიიღო მოთხოვნა მიხეილ სააკაშვილის ძებნაზე, დაკავებასა და ექსტრადირებაზე. საქართველოს მთავარი პროკურატურის მოთხოვნა გამოგზავნილია უკრაინის იუსტიციის სამინისტროსა და გენერალური პროკურატურისთვის", - განაცხადა სერგეი პეტუხოვმა.
საქართველოს ყოფილი პრეზიდენტი, მიხეილ სააკაშვილი აცხადებს, რომ 10 სექტემბერს პოლონეთიდან უკრაინაში გაემართება. მანამდე კი არ გამორიცხავს, რომ ბრიუსელში, ევროპარლამენტარებს შეხვდეს.
