დეკანოზი შავშიშვილს ეუბნებოდა გაერკვია ეს ყველაფერი, თუ მართლა ასე განაცხადა გამზარდიამ, ამით უნდა დაინტერესდეს როგორც პატრიარქის დაცვის სამსახური, ასევე საგამოძიებო ორგანოები, - ასე განმარტავს დეკანოზ გიორგი მამალაძის ადვოკატი ,,რუსთავი 2“ -ის მიერ გავრცელებულ ვიდეო მასალას "ჯი-ეიჩ-ენთან” საუბარში.
"ეს საკმაოდ მნიშვნელოვანი მომენტია. გამზარდია წერდა, რომ პატრიარქს ემუქრებოდა საფრთხე და გერმანიაში იმიტომ წაიყვანეს რომ ვიღაცას მისი მოკვლა ჰქონია განზრახვაშიო. დეკანოზი შავშიშვილს ეუბნებოდა გაერკვია ეს ყველაფერი, თუ მართლა ასე განაცხადა გამზარდიამ, ამით უნდა დაინტერესდეს როგორც პატრიარქის დაცვის სამსახური, ასევე საგამოძიებო ორგანოები. ეს შავშიშვილს ბევრად ადრე უთხრეს, ვიდრე დააკავებდნენ", - აღნიშნა მეხრიშვილმა.
ცნობისთვის, ე.წ. ციანიდის საქმეზე განაჩენის გამოცხადებამდე ერთი დღით ადრე, რუსთავი2-მა მოიპოვა ახალი კადრები. ვიდეო წარმოადგენს სრულ ვერსიას იმ ფარული ჩანაწერების, რომელიც პროკურატურამ გამოაქვეყნა. ახალი კადრების მიხედვით ცნობილი ხდება, რომ დეკანოზი გიორგი მამალაძე გერმანიაში საკუთარი ინიციატივით არ გამგზავრებულა და ის მეუფე დიმიტრიმ დაიბარა. დეკანოზი დაკავებამდე 2 დღით ადრე, საპატრიარქოს უსაფრთხოების სამსახურის ერთ-ერთი მაღალჩინოსანს ტარას შავშიშვილს ურეკავს. დეკანოზი მას ილიას უნივერსიტეტის პროფესორის არჩილ გამზარდიას Facebook სტატუსით დაინტერესებისკენ მოუწოდებს, სადაც გამზარდია წერს, რომ შესაძლოა, გერმანიაში გამგზავრების შემდეგ პატრიარქი მოკლან.
