არსებობს კონკრეტული წრე ვისგანაც შესაძლებელია მას [დეკანოზ გიორგი მამალაძეს] შეეძინა როგორც ციანიდი, ასევე ცეცხლსასროლი იარაღი, თუმცა დამატებით ინფორმაციის მოწოდებისაგან ამ ეტაპზე თავს შევიკავებ, - ამის შესახებ საქმის პროკურორმა ზვიად გუბელაძემ განაცხადა.
მისი თქმით, ბრალდების მხარემ სასამართლოში უტყუარი მტკიცებულებები წარადგინა, რომლითაც დასტურდება რომ გიორგი მამალაძემ აღნიშნული დანაშაული ნამდვილად ჩაიდინა.
"ის ამზადებდა ანგარებით შორენა თეთრუაშვილის მკლელობას და მართლსაწინააღმდეგოდ შეიძინა და ინახავდა ცეცხლსასროლ იარაღს და საბრძოლო მასალა. გვაქვს გონივრული მოლოდინი რომ მოსამართლე და სასამართლო გამოიტანს ერთადერთ სამართლიან და კანონიერ გადაწყვეტილებას და ეს იქნება გამამტყუნებელი განაჩენი", - განაცხადა გუბელაძემ.
მისივე განცხადებით, ინტესნიურ რეჟიმში მიმდინარეობს სხვადასხვა საგამოძიებო მოქმედებები იმის დასადგენად, ჰყავდა თუ არა გიორგი მამალაძეს თანამზრახველები, ვისგან შეიძინა მან ციანიდი და ცეცხლსასროლი იარაღი.
"გამოყოფილ საქმესთან დაკავშირებით, მოგახსენებთ რომ ინტესნიურ რეჟიმში მიმდინარეობს სხვადასხვა საგამოძიებო მოქმედებები იმის დასადგენად, ჰყავდა თუ არა გიორგი მამალაძეს თანამზრახველები, ვისგან შეიძინა მან ციანიდი, ცეცხლსასროლი იარაღი. დამატებით ინფორმაციის მოპოვების შემთხვევაში, თუ ვინმეს პასუხისმგებლობის საქმე გამოიკვეთება, რა თქმა უნდა, ეცნობება საზოგადოებას. არსებობს კონკრეტული წრე ვისგანაც შესაძლებელია მას შეეძინა როგორც ციანიდი, ასევე ცეცხლსასროლი იარაღი, თუმცა დამატებით ინფორმაციის მოწოდებისაგან ამ ეტაპზე თავს შევიკავებ", - აღნიშნავს საქმის პროკურორი ზვიად გუბელაძე.
დაცვის მხარე და ბრალდებული გამამართლებელი განაჩენის მოლოდინში არიან. განაჩენის გამოცხადება დღეს 12:00 საათისთვის არის დაანონსებული.