ცნობილი იტალიელი მაფიოზი როკო მორაბიტო, რომელიც მართლმსაჯულებას 23 წლის განმავლობაში ემალებოდა, ურუგვაელმა სამართალდამცველებმა დააკავეს. 50 წლის ნარკობარონი მონტევიდეოს ერთ-ერთ სასტუმროში აიყვანეს. წლების განმავლობაში მაფიოზი თავს საკურორტო ქალაქ პუნტა-დელ-ესტეს ყალბი პასპორტით აფარებდა. იტალიაში „კოკაინის მეფეს“ მაფიოზური დაჯგუფების ორგანიზებასა და ნარკოტიკების კონტრაბანდაში ადანაშაულებენ.
