ისლამური სახელმწიფოს დაჯგუფების წევრი ბიბისის ჟურნალისტის გადაბირებას ცდილობდა. ამის შესახებ გამოცემა გარდიანი იტყობინება. გავრცელებული ინფორმაციით, ტელეკომპანიის ჟურნალისტი 2 წლის განმავლობაში ექსტრემისტული დაჯგუფებების თემაზე მუშაობდა და ვითარებაში უკეთ გასარკვევად ისლამური სახელმწიფოს დაჯგუფების ერთ-ერთ მებრძოლთან ჰქონდა მიმოწერა. დაეშის მებრძოლი კი მას ლონდონის ხიდზე ტერაქტის მოწყობისკენ მოუწოდებდა. ტერორისტმა ჟურნალისტს ის ადგილებიც დაუსახელა, სადაც იარაღის შეძენა იყო შესაძლებელი და ტერაქტის მოსაწყობად დეტალური ინსტრუქციაც მისცა.
