აშშ მზადაა ჩრდილოეთ კორეას სამხედრო ძალის მასშტაბური გამოყენებით გასცეს პასუხი, - ამის შესახებ აშშ-ს თავდაცვის მდივანმა ჯეიმს მეტისმა განაცხადა.
„აშშ-ზე და მის ტერიტორიებზე, მათ შორის გუამზე ან აშშ-ს მოკავშირეებზე მიმართულ ნებისმიერ საფრთხეს სამხედრო პასუხი გაეცემა. პასუხი როგორც ეფექტური, ასევე ყოვლისმომცველი იქნება“, - განაცხადა პენტაგონის ხელმძღვანელმა.
ჯეიმს მეტისის განმარტებით, აშშ არ მიისწრაფის ჩრდილოეთ კორეის ტოტალური განადგურებისკენ.
„როგორც აღვნიშნე, ჩვენ მოქმედების ბევრი ვარიანტი გვაქვს. ჩვენ ნათლად განვაცხადეთ, რომ ჩვენი და ჩვენი მოკავშირეების დაცვის შესაძლებლობები გვაქვს“, - დასძინა მან.
აშშ-ის შეიარაღებული ძალების შტაბების უფროსთა კომიტეტის თავმჯდომარე, ჯოზეფ დანფორდი, და მისი სამხრეთკორეელი კოლეგა, ჩონ გენ დუ, შეთანხმდნენ, ჩრდილოეთ კორეის მიმართ სამხედრო ზომებს მიმართონ, მას მერე, რაც გავრცელდა ცნობა ფხენიანის მიერ წყალბადის ბომბის გამოცდის თაობაზე.
