აშშ-ისა და სამხრეთ კორეის პრეზიდენტები შეთანხმდნენ, გადახედონ სარაკეტო შეიარაღების სფეროში თანამშრომლობის შესახებ ორმხრივ შეთანხმებას. თეთრი სახლის თანახმად, ტრამპი დათანხმდა, რომ სამხრეთმა კორეამ შეიძინოს მილიარდობით დოლარის ღირებულების აშშ-ის სამხედრო აღჭურვილობა.
სეულსა და ვაშინგტონს შორის შეთანხმებების შესახებ გამოცხადების ფონია ჩრდილოეთ კორეის მზარდი აქტიურობა სამხედრო სფეროში. სამხრეთი კორეა თავისი სამხედრო ძალის გაზრდას ცდილობს კორეის სახალხო-დემოკრატიული რესპუბლიკის მიერ რაკეტების სულ უფრო ხშირად გამოცდის გამო. ფხენიანი ავითარებს თავის სარაკეტო და ბირთვულ პროგრამებს, მიუხედავად მსოფლიოს წამყვანი სახელმწიფოების წინააღმდეგობისა და გაეროს სანქციებისა.
