საქართველოს ყოფილი პრეზიდენტის მიხეილ სააკაშვილის ძმა, დავით სააკაშვილი გაათავისუფლეს.
როგორც უკრაინის პარლამენტის წევრმა იური დერევიანკომ განაცხადა, საიმიგრაციო სამსახურის დეპარტამენტის დირექტორი პოლიციის განყოფილებაში იმყოფებოდა, სადაც დავით სააკაშვილი მიიყვანეს.
„კითხვაზე, არის თუ არა დავით სააკაშვილი დაკავებული ან იყენებენ თუ არა დავით სააკაშვილის მიმართ იძულების ელემენტებს, საიმიგრაციო სამსახურის დირექტორმა უარყოფითი პასუხი გასცა, რის შემდეგაც სააკაშვილმა დატოვა განყოფილება“, - აღნიშნა დერევიანკომ.
როგორც დეპუტატმა განაცხადა, პოლიციაში სააკაშვილის ძმისთვის ადმინისტრატიული დარღვევისა და ჯარიმის შესახებ პროტოკოლის და გარკვეულ პერიოდში უკრაინის დატოვების შესახებ დოკუმენტის გადაცემა სურდათ.
მისი თქმით, ეს დაკავება უკანონო იყო. მისივე განცხადებით, ორშაბათს დავით სააკაშვილის წარმომადგენლები სასამართლოს მიმართავენ. როგორც დეპუტატი აღნიშნავს, ეს სააკაშვილის დაშინების კიდევ ერთი ფორმაა.
