უკრაინაში საქართველოს ექსპრეზიდენტისა და ოდესის ყოფილი გუბერნატორის შესაძლო დაბრუნებაზე კომენტარი ქვეყნის პრეზიდენტმა პეტრო პოროშენკომ გააკეთა. მისი თქმით, ეს საკითხი უკრაინის საგარეო საქმეთა სამინისტროს, საემიგრაციო და სასაზღვრო სამსახურების პრეროგატივაა.
„მას ისევე მოექცევიან, როგორც ყველა იმ პირს, ვინც მოქალაქეობის მიღებისას არასწორი მონაცემები წარმოადგინა. საემიგრაციო სამსახურმა უკვე წარუდგინა კომისიას იმის დამადასტურებელი დოკუმენტები, რომ სააკაშვილის შემთხვევაში მონაცემები არასწორი ან გაყალბებული იყო. ამიტომ, შესაბამისმა უწყებებმა კანონისა და კონსტიტუციის დაცვით უნდა იმოქმედონ. სხვაგვარად არც შეიძლება,“-აღნიშნა პოროშენკომ.
