დონალდ ტრამპსა და რექს ტილერსონს შორის უთანხმოება ღრმავდება. ამ სათაურით სტატიას „ვაშინგტონ პოსტი“ აქვეყნებს. გავრცელებული ინფორმაციით, თეთრი სახლის ლიდერი სახელმწიფო მდივნის მუშაობით უკმაყოფილოა.
პრეზდენტსა და სახელმწიფო მდივანს შორის აზრთა რადიკალური სხვადასხვაობაა ავღანეთში სამხედრო კონტინგენტის რაოდენობასთან დაკავშირებით, ასევე, ყატარის ბლოკადასა და კუბასთან მიმართებაშც. ამის გამო ტილერსონი შესაძლოა უახლოეს მომავალში თანამდებობიდან გადადგეს და მისი პოსტი გაეროში ამერიკის შეერთებული შტატების ელჩმა ნიკი ჰეილიმ დაიკავოს.
