აშშ-ის პრეზიდენტ დონალდ ტრამპის განცხადებით, განიხილება ვაშინგტონის რეაგირების „ყველა ვარიანტი“ მას შემდეგ, რაც ჩრდილოეთმა კორეამ გაისროლა ბალისტიკური რაკეტა, რომელმაც იაპონიას გადაუფრინა.
29 აგვისტოს უფრო ადრე გავრცელდა ცნობა, რომ ტრამპი და იაპონიის პრემიერ-მინისტრი სინძო აბე შეთანხმდნენ ჩრდილოეთ კორეის მიმართ ზომების გამკაცრებაზე. სინძო აბეს ადმინისტრაციის ცნობით, 2009 წლის შემდეგ ჩრდილოეთმა კორეამ პირველად ისროლა რაკეტა, რომელმაც იაპონის გადაუფრინა.
„იაპონია და შეერთებული შტატები სრულად თანხმდებიან ჩრდილოეთ კორეაზე ზეწოლა უფრო უნდა გაიზრდოს და გაძლიერდეს“, - განაცხადა ,,რადიო თავისუფლების“ ინფორმაციით, სინძო აბემ ტოკიოში გამართულ ბრიფინგზე. იაპონელი ოფიციალური პირების ინფორმაციით, რაკეტა წყალში ჩავარდა ჩრდილოეთ იაპონიის კუნულ ჰოკაიდოსთან და არ გამოუწვევია ზარალი. ტოკიო მოითხოვს საგანგებო სხდომის გამართვას გაეროს უშიშროების საბჭოში, რომელმაც ბოლოხანს გაუმკაცრა სანქციები ფხენიანს ბალისტიკური რაკეტების გამოცდის გამო.
გაეროში ჩრდილოეთ კორეის ელჩმა დაიცვა ფხენიანის მოქმედება და განმარტა, რომ ბალისტიკური რაკეტის გამოცდა იყო რეაქცია სამხედრო წვრთნებზე, რომლებსაც რეგიონში ატარებენ შეერთებული შტატები და მისი მოკავშირეები.
