პარლამენტმა და აფხაზეთის საზოგადოებრივმა ორგანიზაციებმა რეაგირება უნდა მოახდინონ აშშ-ს სახელმწიფო მდივნის ჰილარი კლინტონის მიერ გაკეთებულ განცხადებებზე, რომლებშიც აფხაზეთში რუსული სამხედრო კონტიგენტის ყოფნას კლინტონი ოკუპაციას უწოდებს", - განაცხადა აფხაზ სეპარატისტთა ლიდერმა სერგეი ბაღაფშმა დღეს ე.წ. აფხაზურ პარლამენტში სიტყვით გამოსვლისას.
მისი თქმით, ჰილარ კლინტონის განცხადებებზე უახლოეს მომავალში შესაბამის განცხადებებს გააკეთებენ "აფხაზეთის სახელმწიფოს მეთაური და აფხაზეთის საგარეო საქმეთა სამინისტრო".
"რუსეთის ჯარს აფხაზეთის ოკუპაცია არ მოუხდენია. ისინი აქ სახელმწიფოთაშორისი შეთანხმების საფუძველზე იმყოფებიან და რეგიონის უსაფრთხოებასა და სტაბილურობას იცავენ", - განაცხადა სერგეი ბაღაფშმა.
