პრეზიდენტმა პოროშენკომ წელს მოქალაქეობა 27 ადამიანს ჩამოართვა იმავე მიზეზით, რომლითაც ოდესის ყოფილ გუბერნატორს, მიხეილ სააკაშვილს. ამის შესახებ „მეხუთე არხის“ ეთერში უკრაინის პრეზიდენტის წარმომადგენელმა უმაღლეს რადაში ირინა ლუცენკომ განაცხადა.
„ყველას, ვინც მოქალაქეობის მისაღებად ანკეტის შევსებისას მოიტყუა, მოქალაქეობა ჩამოერთვა. პრეზიდენტს სააკაშვილზე ფიქრის დრო არ აქვს. უმჯობესია სააკაშვილმა საკუთარი უდანაშაულობა ქართულ სასამართლოში დაამტკიცოს, რომელშიც რეფორმები თვითონ გაატარა და ამბობდა, რომ სამართლიანი სასამართლო შექმნა,“-აღნისნა ლუცენკომ.
