რუსულმა "ფორბსმა" რუსი სახელმწიფო მაღალჩინოსნებისა და დეპუტატების ყველაზე მდიდარი ცოლების სია გამოაქვეყნა. რეიტინგში პირველ ადგილს ტატარსტანის პრეზიდენტის მეუღლე გულსინა მინიხანოვა იკავებს, რომლის შემოსავალმაც 2 მილიარდ 351 მილიონი რუბლი შეადგინა. ის კომპანია „ლუჩანოს“ თანამფლობელია და სასტუმრო კომპლექსებს, ფიტნეს-კლუბებსა და რესტორნების ქსელს ხელმძღვანელობს. მინახანოვას შემოსავალი ქმრის ყოველწლიურ ანაზღაურებას 313-ჯერ აღემატება.
