ოს სეპარატისტთა ე.წ საგარეო საქმეთა მინისტრი მურატ ჯიოევი აცხადებს, რომ საქართველოს სახელმწიფოს მიერ შემუშავებულ სტრატეგიაში საქართველოს ოკუპირებული ტერიტორიების მიმართ არაფერი ახალი არ არის.
მისი თქმით, საქართველოს ახალი სტრატეგია აფხაზეთისა და ე.წ. სამხრეთ ოსეთის მიმართ არის გაგრძელება პროგრამისა რომელიც ჯერ კიდევ 2004 წელს იყო შემუშავებული.
"სამხრეთ ოსეთს ეს დოკუმენტი არავითარი სახით არ მიუღია და მისი როგორც დოკუმენტის განხილვას არ ვაპირებთ. თუმცა, რადგანაც მედიაში და სხვა და სხვა საერთაშორისო ორგანიზაციებში ეს სტრატეგია ფართოდ განიხილება ვიტყვი მხოლოდ ერთს _ ჩვენის აზრით მასში ახალი არაფერია. ხოლო ამაში დასარწმუნებლად საკმარისი იქნება ნახოთ პრეზიდენტ სააკაშვილის მიერ გაკეთებული განცხადებები იმ მშვიდობიანი დარეგულირების პროექტებიდან რომელზეც ისინი ჯერ კიდევ 2004 წელს საუბრობდნენ. ისინი კი მაშინაც მიუღებელი იყო სამხრეთ ოსეთის მოსახლეობისათვის", _ აცხადებს მურატ ჯიოევი და დასძენს, რომ "მაშინ იყო მცდელობა სამხრეთ ოსეთისათვის თავს მოეხვიათ ჰუმანიტარული სიყვარული, რომელიც 2008 წლის აგრესიაში გადაიქმნა".
"ახლაც დიალოგი თანასწორუფლებიანობის საფუძველზე უნდა ვაწარმოოთ და არა ცენტრისა და პროვინციის პოზიციიდან", _ აცხადებს ჯიოევი.
