ამერიკის შეერთებული შტატების სახელმწიფო მდივანის მოადგილე ფილიპ გორდონი რუსეთის ფედერაციის პრემიერ-მინისტრის განცხადებას გამოეხმაურა.
"ყველასთვის კარგად არის ცნობილი, რომ ამერიკის შეერთებულ შტატებსა და რუსეთს შორის საქართველოს, კერძოდ კი აფხაზეთის და სამხრეთ ოსეთის საკითხზე ვერ თანხმდებიან. რაც შეეხება აფხაზეთთან და სამხრეთ ოსეთთან უშუალო დიალოგს, მიგვაჩნია, რომ ეს დიალოგი უნდა აღდგეს", - განაცხადა გორდონმა.
შეგახსენებთ, რომ რუსეთის პრემიერ-მინისტრის ვლადიმერ პუტინის გაღიზიანება აშშ-ს სახელმწიფო მდივნის ჰილარი კლინტონის მიერ აფხაზეთის და ე.წ. სამხრეთ ოსეთის ოკუპირებულ ტერიტორიებად მოხსენებამ გამოიწვია და აღნიშნა, რომ "ოკუპაცია, ვისთვის ოკუპაციაა და ვისთვის თავისუფლება".
ამასთან, პუტინის განცხადებით, საქართველოს ურთიერთობა აფხაზეთთან და ე.წ. სამხრეთ ოსეთთან პირადად უნდა დაამყაროს სხვა ქვეყნების დახმარების გარეშე.
