დონალდ ტრამპის კომპანია მოსკოვში ტრამპ-თაუერის აშენების საკითხს განიხილავდა. ამის შესახებ გავლენიანი გამოცემა „ვაშინგტონ პოსტი“ იტყობინება. გავერცელებული ინფორმაციით, ამ საკითხზე წინასაარჩევნო პერიოდში ტრამპის კომპანიასთან მოლაპარაკებას წარმოშობით რუსი ბიზნესმენი ფელიქს სეტერი აწარმოებდა. სეტერი ტრამპს მოსკოვშიც ეპატიჟებოდა, თუმცა ვიზიტი არ შედგა. პროექტზე მოლაპარაკება ერთი წელი გრძელდებოდა. უცნობია, იყო თუ არა ტრამპი უშუალოდ ჩართული მოლაპარაკებებში.
