ბარსელონაში ტერორიზმის წინააღმდეგ გამართულ აქციაში მონაწილეობა ესპანეთის მონარქმაც მიიღო. ფილიპ VI-სთან ერთად აქციას პრემიერი მარიანო რაჰოიც ესწრებოდა. მანიფესტაციაში ნახევარ მილიონზე მეტი ადამიანი მონაწილეობდა. მასშტაბური ტერორისტული აქტები კტალონიაში 17 აგვისტოს განხორციელდა, რასაც 15 ადამიანი ემსხვერპლა, 130-მდე კი დაშავდა. მომხდარზე პასუხისმგებლობა „ისლამურმა სახელმწიფომ“ აიღო.
