აფეთქების შედეგად დედოფლისწყაროში 32 წლის თემურ ჯალიაშვილი და 21 წლის ლაშა პავლიაშვილი დაშავდნენ.
როგორც "ჯი-ეიჩ-ენს" კახეთის საინფორმაციო ცენტრიდან აცნობეს, სამართალდამცავების განცხადებით, ახალგაზრდები კუსტარულად სანადირო თოფის ტყვიებს ამზადებდნენ, რა დროსაც აფეთქება მოხდა.
თემურ ჯალიაშვილს დაზიანებები აქვს მიღებული სახისა და მუცლის არეში. სხეულის დაზიანებები აღენიშნება ლაშა პავლიაშვილსაც. დაშავებულები თბილისში, ორთაჭალაში მდებარე საავადმყოფოში არიან გადაყვანილები.
მომხდართან დაკავშირებით აღძრულია სისხლის სამართლის საქმე. გამოძიებას შს დედოფლისწყაროს რაიონული სამმართველო აწარმოებს.
