დღეს, 7 ივლისს, 13 საათზე, არასამთავრობო ორგანიზაცია "ყოფილი პოლიტპატიმრები ადამიანის უფლებებისათვის" ოფისში (მისამართი: რუსთაველის 14) გაიმართება პრეს-კონფერენცია, რომელიც მიეძღვნება ე. წ. "მუხროვანის ამბოხების" სააპელაციო საჩივრების განხილვის დაწყებას.
როგორც ორგანიზატორებმა "ჯი-ეიჩ-ეინს" აცნობეს სააპელაციო სასამართლოს პირველის სხდომის ჩატარება დაგეგმილია 9 ივლისს. სასამართლო განიხილავს კობა ოთანაძის (შეფადებული აქვს 29 წლით თავისუფლების აღკვეთა), ლევან ამირიძის (28 წლით თავისუფლების აღკვეთა), შოთა გორგიაშვილის (19 წლით თავისუფლების აღკვეთა) და სხვა მსჯავრდებულთა (სულ 21 კაცი) სააპელაციო საჩივრებს.
პრეს-კონფერენციაში მონაწილეობას მიიღებენ ნანა კაკაბაძე, გელა ნიკოლაიშვილი, ჯაბა ჯიშკარიანი, დავით ლილუაშვილი, ნოდარ ეფრემიძე და სხვადასხვა არასამთავრობო ორგანიზაციების წარმომადგენელი სხვა უფლებადამცველები.
